Skólaorðabók í rafrænni útgáfu
Ný og þróuð ensk-íslensk og íslensk-ensk orðabók.

Skólaorðabókin er ensk-íslensk og íslensk-ensk orðabók almenns eðlis. Byggjast orðasöfnin á hinum vinsælu Tölvuorðabókum Máls og menningar sem hafa verið á markaði síðan 1993 og eru notaðar af fjölda fyrirtækja, stofnana, skóla og einstaklinga. Uppflettiorð í Skólaorðabókinni er rúmlega 100.000. Hugbúnaðurinn er sniðinn að þörfum skólanemenda upp að háskólastigi. Segja má að verðið á hugbúnaðinum sé einnig sniðið að efnahag skólanemenda. Útlit og aðgerðir eru samhæfðar við veforðabókina sem er á http://www.ordabok.is. Sú orðabók er notuð í vaxandi mæli í skólum og fyrirtækjum. Hægt er að skoða beygingar enskra og íslenskra orða. Hægt er að fá yfirlit yfir og æfa beygingar óreglulegra enskra sagna með innbyggðu einkunnakerfi. Hægt er að glósa uppflettiorð og skýringar þeirra og geyma í skrá, sem síðan má prenta hvenær sem er. Þannig getur nemandi t.d. glósað öll þau ókunnugu orð sem koma fyrir í smásögu sem hann er að lesa og vistað í tilteknu skjali. Svo getur hann prentað skjalið þegar hann þarf á því að halda og haft það tiltækt við lestur smásögunnar. Hugbúnaðurinn býður einnig upp á vefleit, sem gerir notanda kleift að rita orð á íslensku og senda það þýtt yfir á ensku í helstu leitarvélar og heimildagagnagrunna. Notandi getur sótt nýjustu útgáfur hugbúnaðarins, endurbætur á orðasöfnum og þess háttar í gegnum forritið sjálft. Hugbúnaðurinn miðast við Windows stýrikerfið og byggir á tækni úr Internet Explorer frá Microsoft.

Útgefandi: Mál og menning